Кітапхана

Колледжде 30 орындық оқу залы бар, қоры 32356 дана кітаппен қамтамасыз етілген  кітапхана жұмыс істейді. Кітапханадағы оқулықтар -23759, оның ішінде: жалпы білім беретін оқулықтар – 9979, арнайы пән оқулықтары – 13780,  ғылыми әдебиет – 3290, көркем әдебиет қоры – 4416, оқу-әдістемелік құралдар – 813, электрондық оқулықтар – 78 дана.  Кітапханаға 2018-2019  оқу жылында келген жалпы  оқырмандардың саны – 1464, оның ішіндегі студенттер саны – 1384, оқытушылар – 80, келушілер саны  – 17820 адамды, кітап беру саны – 23760  дананы құрады.

Кітапхана жұмысының басты мақсаты – студенттерге кітаппен жұмыс істеудің тиімді тәсілдерін, материалды іздеу және талдау әдістерін, оқу іс-әрекетін ақпараттық қамтамасыз ету машықтары мен оқу-жаттығуларын үйрету.

Колледж кітапханасы өз оқырмандарына кітапханалық қызмет көрсетіп қана қоймай, сонымен қатар білім беру мекемесінің алдында тұрған стратегиялық міндеттерді шешуі тиіс:

  • студенттерге мәдениет институтын сақтаудың жалғыз сенімді құралы болып табылатын кітап оқуды қайтару, насихаттау;
  • білім беру үдерісін толығымен ақпараттық қолдауды ұйымдастыру;
  • білім берудің инновациялық мақсаттарын жүзеге асыруда кітапханалық технологиялар мен қосымша білім беру тәжірибесін пайдалану.

Кітапхананың негізгі функциялары – «Жалпы білім беретін мекеме кітапханасы туралы Ережеге» сәйкес білім беру, ақпараттандыру және мәдени бағыт.

Сонымен қатар,  студент жастардың кітап оқуға деген қызығушылығын оятып, саналы азамат болып қалыптасуы үшін көптеген іс-шаралар өткізіледі. Мысалы: Хакім Абайдың 175 жылдығына орай  «Абайды оқы, таңырқа» атты Абай оқулары және білім алушылардың патриоттық сезімдерін ояту, болашақ мамандықтарының білгір маманы болуға баулу мақсатында  «Лидер Reader ON» байқауы өткізіліп тұрады.